Ἄλλος βίος, ἄλλη δίαιτα, id est Alia vita, alia vivendi ratio. In eos quadrabit, qui commutata in melius fortuna pariter et vitae rationem moresque commutant. Translatum ab iis, qui lautius incipiunt vivere, ubi res lautior obtigit. Huc allusit Aristophanes in Pluto, cum ait :
id estἜπειτα πλουτῶν οὐκέθ᾿ ἥδεται φακῇ·
Πρὸ τοῦ δ᾿ ὑπο τῆς πενίας ἅπαντα κατήσθιεν,
De juvene jam anum amicam fastidiente postea quam desiisset egere. Allusit huc Horatius : Non eadem est aetas, non mens.Dein divitem factum nihil jam lens juvat ;
At pauper antehac devorabat quaelibet.