Plautinus Tranio in Mostellaria : Ubi egomet video rem verti in meo foro. Proverbialiter dictum pro eo, quod est : Posteaquam intelligo fortunas nostras commutari in diversum. Traductum a mercatibus, in quibus rerum precium pro tempore saepenumero commutatur. Aut certe a judiciorum formulis et explicandarum litium ; cui diversum est illud : In alieno foro litigare. Cognatum illi : Uti foro, quod alibi dictum.