Ἐκ πώγονος σοφοί, καὶ ἀπὸ πώγονος σοφισταί, καὶ ἀπὸ πώγονος φιλόσοφοι, id est Barbae tenus sapientes et sophistae et philosophi. Sic appellabantur qui praeter barbam et pallium nihil haberent philosophi. Usurpatur aliquoties apud Plutarchum in Symposiacis. Huc allusit Horatius, cum ait : Jussit sapientem pascere barbam. Lucianus item subinde jocatur in philosophorum τὸν βαθὺν πώγωνα id est profundam barbam. In Eunucho Bagoas ait : Si philosophum oporteat ex barba metiri, hircos primam laudem ablaturos. Similiter Martialis :
Recte torquebitur in hos, qui universam vitae sanctimoniam non in animo neque in moribus, sed in cultu constituunt.Propendet mento nec tibi barba minor.