Ἐμαυτῷ βαλανεύσω, id est Ipse mihi balneator ero, ubi quis suis ipsius inservit commodis. Aut ubi quis non expectato alieno officio ipse suum agit negotium. Aristophanes in Pace :
id estἈλλ᾿ εἰ ταῦτα δοκεῖ, κἀγὼ ᾿μαυτῷ βαλανεύσω,
Interpres admonet transtalum a balneis, in quibus cessante balneatore ipsi, qui lavant, aquam hauriunt atque infundunt. Zenodotus putat et ad eos referri posse, qui glandes in ignem injectas coquunt. Fortassis haud absurde referetur ad glandium excussores. Nam Graecis βαλανεύς balnearium cauponem significat, βάλανος glandem. Atque hinc anceps proverbii interpretatio.Balneum et ipse mihi, si haec vobis grata, pararo.