Itidem Plautus in Poenulo hominem trioboli dixit pro nequissimo planeque nullius precii. A nummo minutissimo. Consimili figura dixit Aristophanes in Vespis pro vilibus versibus τριχοινίκων ἐπῶν. Gregorius in epistolis de vili contemptoque dixit : Μᾶλλον ἀνδράποδον ὀλίγων ὀβολῶν ἄξιον, id est Immo potius mancipium paucis obolis dignum. Dicuntur et triobolares.