Hic fere est hominum affectus ut tristia nuntianti perinde indignentur quasi fecerit quod factum nuntiat. Creonti itaque succensenti nuntio, quod parum laeta adferret, ita respondet :
id estὉ δρῶν ἀνιᾷ τὰς φρένας, τὰ δ᾿ ὦτ᾿ ἐγώ,
Ejusdem nuntii versus est :Qui fecit, animum discruciat, aures ego.
id estΣτέργει γὰρ οὐδεὶς ἄγγελον κακῶν ἐπῶν,
Accommodari poterit ad eum qui lapsum admonet ut magis sibi ipsi succenseat qui crimen admisit quam ei qui necessariam admovet correptionem. Nam correptio id tempus molesta est auribus, sed sceleris conscientia perpetuo mentem fodicat.Nemo hunc amat qui verba nuntiat mala.