Qui fugiunt et ab eo quod agitur alio se vertunt Graecis ἐξορχεῖσθαι dicuntur. Sumpta metaphora a saltationibus praesertim sacris, unde subtrahere sese inauspicatum erat, quemadmodum indicatum est in proverbio Omnia secunda, saltat senex. Notum est quod refert Herodotus de Hippoclide, qui indecora saltatione excidit a spe nuptiarum et audivit : Ἀπορχήσαό γε τὸν γάμον.