Cicero in oratione Pro M. Caelio ad vinum disertos appellat qui ad serias causas agendas inepti inter pocula multa garriunt, ubi nihil opus : Qui se nunquam profecto, si istum in locum processerint, explicabunt. Quam volent in conviviis faceti, dicaces, nonnunquam etiam ad vinum diserti sint, alia fori vis est, alia triclinii. Notum est illud Flacci :
M. Tullius allusit ad morem priscum quo causae ad aquae modum agebantur. Ea dividebatur in treis parteis : una infundebatur actori, altera reo, tertia judici. At qui ad vinum diserti sunt, ad aquam fere muti sunt.Fecundi calices, quem non fecere disertum ?