Adagiorum Chiliades

IV. 8Virtus simplex.v

Dubitari possit utrum versus sit vulgo jactatus quem ut omnibus notissimum citra nomenclaturam retulerit Ethicorum duo Aristoteles, an imprudenti exciderit versus pentameter. Disserens enim e sententia Pythagorae, errorem esse infinitum, virtutem finitam, quemadmodum in nemore mille modis aberratur a recta via, cum ea sit unica, eoque vitium esse in proclivi, virtutem in arduo, quemadmodum facile est a scopo aberrare, sed scopum attingere difficile est, subjungit :

Ἐσθλοὶ μὲν γὰρ ἁπλῶς, παντοδαπῶς δὲ κακοί,

[Eth. Nic.] id est

Est simplex virtus, omnigenum vitium.