Κῦμα κωφόν, id est fluctum mutum appellabant qui nondum edebat fragorem, sed jam incipiebat intumescere. Primum enim tacitis undis insurgit mare, mox exasperata tempestate procul fremit ac resonat. Dici potest de bili hominis quae nondum erupit in convicium, sed tacite inardescit. Veluti si dicas : Cede κύματι κωφῷ ! : desine contendere, ne disputatio exeat in rixam aut : Obsiste κύματι κωφῷ : reprime iram effervescentem !