IV. 5. In transennam inducere. lxx

In transennam inducit qui dolo fallit. Plautus in Persa :

Hunc ego hodie hominem in transennam doctis ducam dolis.

Itaque huic insidiae paratae sunt, prope aggrediar virum.

Ab aucupibus sumptum est qui intra cancellos escam spargunt, insidiantes aviculis. Unde et hodie qui dolo captus est intra transennam esse dicitur. Huic simillimum : In foveam et in laqueum inducere, quorum alibi meminimus.