Adagiorum Chiliades

IV. 2Praeter sibyllam leget nemo.xli

Divus Hieronymus irridens Joviniani stilum ut perturbatum et obscurum scribit Plautinarum literarum illud in eum quadrare : Has praeter Sibyllam leget nemo. [Pseud., 23] Est autem hic locus in Pseudolo Plautina, ubi quidam literas ab amica scriptas irridens notulis male concinnatis, cujusmodi ferme scriptura mulierum.

Quaerunt, inquit, hae literae sibi liberos.

Alia aliam scandit.

Has quidem pol credo, nemo nisi Sibylla legerit,

Interpretari alium posse neminem.

An obsecro, hercle, habentque gallinae manus ?

[Pseud., 29] Nam has quidem gallina scripsit.