Ἄρης τύραννος, id est Mars rex. Suidas interpretatur congruere in principem qui vi, non legibus, rempublicam tractat. Zenodotus ortum putat a Timotheo, Atheniensium imperatore, qui multa felicissime gessit adversus Persas et Asianos et cujus ductu florebat Attica. Unde dictum est Mars rex. Hesychius proverbium recenset tantum. Indicat Suidas aliquando Graecis ἄρη dici ferrum ipsum ; itaque potest hic esse sensus proverbi ferrum rex, quoties res vi geritur.