Πίθηκος ἀνάπλεως ψιμυθίου, id est Simia plena fuci. De deformi anu, fucata tamen et meretriciis culta lenociniis. Nam ψιμύθιον Graecis appellatur color ille, quo quondam meretrices, nunc honestae etiam, si deis placet, matronae faciem oblinunt, quo senectam ac formae vitia dissimulent. Aristophanes ἐν ταῖς Ἐκκλησιαζούσαις :
id estΠότερον πίθηκος ἀνάπλεως ψιμυθίου;
Ἢ γραῦς ἀνεστηκυῖα παρά γε τῶν νεκρῶν;
Potest et ad rem accommodari, veluti si quis turpem causam orationis phaleris adornet, ut honesta videatur. Πιθηκίζειν est fucis aut blanditiis fallere, unde πιθηκισμός. Aristophanes in Equitibus :Utrumne variis picta fucis simia ?
An anus ab imis huc reversa manibus ?
id estΟἴμοι τάλας, οἵοις πιθηκισμοῖς με περιελαύνεις,
Me miserum, cujusmodi pithecismis me circumagis.