Δραχμὴ χαλαζῶσα, id est Drachma grandinans. De lucro, quod tanquam coelitus emissum obtigit. Nam olim theatrale praemium drachma, quae velut grandinis in morem in populum spargebatur. Id a Diophanto tradunt institutum. Unde si quando grando accidisset, per jocum aiebant : δραχμὴ χαλαζῶσα. Missilium mos nec hodie totus extinctus est. Auctor Zenodotus, meminit et Hesychius.