Δωδεκαμήχανον, id est Duodecim artium, appellabant callidum, versutum, versipellem, vafrum ac variis instructum dolis. Narrant scortum quoddam fuisse nomine Cyrenen, cui cognomentum inditum δώδεκαμηχάνου, propterea quod in peragenda Venere duodecim figuris usa fuisse dicatur. Imitatum est autem ex Hypsipyle Euripidis tragoedia, in qua δωδεκαμήχανον ἄστρον, scripsit, citante Suida. Refertur et in Ranis Aristophanis, tametsi interpres pro ἄστρον legisse videtur ἄντρον, ut intelligamus de membro pudendo muliebri. Aristophanes sic habet :
id est Audes tu mea vituperare carmina, qui per duodecim artes Cyrenes poemata fingis ?Τολμᾷς τἀμὰ μέλη ψέγειν,
Ἀνὰ τὸ δωδεκαμήχανον
Κυρήνης μελοποιῶν;