II. 10Hipparchorum tabula.xci
Ἱππάρχων πίναξ, id est Hipparchorum tabula. Dici conveniet, quoties haud impune futurum significamus, si quid peccetur. A Syracusanis natum adagium. Apud hos enim mos erat, ut hipparchi, hoc est equitum praefecti, in tabellis describerent militum nomina, qui ordinem deseruissent. Meminit Zenodotus. [Coll.] Hesychius indicat apud Lacedaemonios hipparchum dici qui juvenibus praefectus esset. [Lex.] Is in tabula notabat eos, qui quippiam indecore fecissent.