Aulus Gellius explicans vim μορίου στερητικοῦ ait hunc senarium antiquissimum proverbii vice celebratum fuisse :
Admonet paroemia fere neminem esse tam deplorati ingenii, qui non aliquando dicat faciatve quod laudem promereatur. Refertur iisdem ferme verbis a Macrobio libro Saturnalium VI. Ex quo mihi visus sum deprehendisse manifestum errorem scripturae in Gelliano libro per eruditum quempiam admissum. Is enim non intelligens hos esse versus : Sed enim qui in omni re atque in omni tempore etc., suspicatus est Graecum versiculum omissum a librariis ; in ejus locum supposuit hoc carmen :Sed enim qui in omni re atque in omni tempore
Omni laude vacat, is illaudatus est,
Isque omnium pessimus deterrimusque est.
cum versus, de quo sentit Gellius, sit Latinus, quem mox subjicit : Sed enim qui in omni, etc. Id liquet ex Macrobio, qui locum hunc ad verbum poene suffuratus est in suos commentarios. Porro Graecus versiculus nihil facit ad explicandam vim hujus vocis illaudatus, sed obiter admixtus est, quasi probandum esset quod dixerat, neminem esse tam efflictis moribus quin faciat dicatve nonnunquam aliquid, quod laudari queat. Quo quidem loco rursus efflictis depravatum est in efferis ; potest enim illaudatus esse, qui non sit efferis moribus, sed efflictos mores dixit perditos et corruptos. Sunt autem treis senarii sententiam absolventes, nisi quod alicubi videntur vitiati a scribis :Πολλάκι καὶ κηπωρὸς ἀνὴρ μάλα καίριον εἶπειν,
Hic primus pulchre constat. Constabit et alter, si legatur :Sed enim qui in omni re atque in omni tempore.
Nam dictiunculam vir etiam aurium sensus in hoc versu videtur requirere. Constabit et tertius, si legas :Qui omni vacat laude, is vir illaudatus est.
Locus est apud Gellium libro secundo, capite sexto, si quis volet conferre.Isque omnium est deterrimusque ac pessimus.