In magnis et volvisse sat est. Tibulliana hac sententia nihil celebratius. Eam Angelus Politianus non inscite vertit Graece :
Apuleius Floridorum libro IV : Majore scilicet voluntate quam facultate, eoque propensius fortasse laudandus est, quod omnibus bonis in rebus conatus in laude, effectus in casu est. Item M.Varro apud Gellium libro primo, capite decimooctavo : In quo non modo Laelii ingenium non reprehendo, sed industriam laudo ; successum enim fortuna, experientiam laus sequitur. Convenit, ubi quis majora viribus conatus, tametsi rei susceptae magnitudini non facit satis, tamen hos ipso nomine laudem promeretur, quod rem pulcherrimam tentaverit.Ἀρκεῖ δ᾿ ἐν μεγάλοις καὶ τὸ θέλημα μόνον.