Οἴστρῳ παραπληγείς, id est Oestro percitus, id est ingenti animi cupiditate commotus ac velut attonitus. Oestrum enim insecti genus horrendo strepitu, unde et nomen inditum apud Graecos ; nam Latini asylum appellant. Hoc addito Juno vaccam Io in furorem egit. Unde poetae divino correpti furore oestro conciti dicuntur. Est apud Platonem, tametsi locus in praesentia non succurrit, opinor in Phaedro. Unde et οἰστροπλῆγος dictione composita pro insano et οἰστρεῖν et οἰστρηλατεῖν pro insanire.