II. 6. Ne in nervum erumpat. xxxvi

Terentius in Phormione :

Verum hoc saepe, Phormio,

Vereor, ne ista fortitudo in nervum erumpat denique.

Quadrat in temerariam inconsideratamque audaciam, quae plerumque infelix esse solet et in maximum malum aliquando adducere. Donatus interpres a sagittariis sumptam metaphoram existimat, qui dum nervum arcualem adducunt immodice, rumpunt nonnunquam, idque non sine suo periculo.