Divus Hieronymus ad Hedibiam scribit in hunc modum : Unde et illa vulgata sententia mihi videtur esse verissima. Dives aut iniquus aut iniqui haeres. Quod si verum est illud Hesiodium non omnino temere esse, quicquid vulgo dicunt mortales, proverbium hoc haud oscitanter expendendum est iis, qui suis opibus stulte se jactant. Neque enim fere parantur ingentes opes sine fraude. Et aut ipse possessor eas per fas nefasque congessit aut certe successit ei, qui has ea paravit via. Plato libro De legibus V : Ὥστε ὁ λόγος ἡμῖν ὀρθός, ὡς οὐκ εἰσὶν οἱ παμπλούσιοι ἀγαθοί, id est Ita verum est, quod vulgo dicimus admodum divites non esse bonos. Circumfertur apud Graecos et hic versiculus ex Menandri comoediis :
id estΟὐδεὶς ἐπλούτησε ταχέως δίκαιος ὤν,
Huc respexit ille, qui Syllae jactanti sese dixisse legitur : Quomodo vir bonus esse potes, qui tantas possideas opes, cum a patre nihil tibi sit relictum ? Refert Plutarchus in illius vita.Nunquam vir aequus, dives evasit cito.