Alias nobis dictum est De muris judicare Achivos pro eo quod est In tuto spectare aliorum pericula. Idem alia metaphora festivius extulit M. Tullius libro Ad Atticum II, epistola De geographica : Nunc vero, cum cogar exire de navi non abjectis sed ereptis gubernaculis, cupio istorum naufragia ex terra intueri, cupio, ut ait tuus amicos Sophocles.
Quanquam hic versiculus in aliis codicibus habebatur varius, sed aeque depravatus, in aliis erat omissus. Videtur esse versus trochaicus catalecticusΚἂν ἀπὸ στεγῆς ἀκούειν εὔκηλος εὑδούσῃ φρενί.
Pro εὔκηλος quidam codices habebant ψάκαλος, quod sit non intelligo ; εὔκηλος non patitur carminis ratio. Sensus autem hic videtur esse : optat de tecto audire tumultus aliorum ipse vacuus et quietus animo.Κἂν ἀπὸ στέγης ἀκούειν εὔκηλος εὑδούσῃ φρενί.