Aritoteles libro Rhetoricorum tertio nullo auctore citat ceu vulgo jactatum Οὐ δεῖ τὸν ξένον ξένον ἀεὶ εἶναι, id est Non oportet hospitem semper hospitem esse. Hospites dicuntur ignari ejus loci in quo vivunt, sed turpe est diu in eadem civitate vivere et semper esse peregrinum. Videtur iambicus trimeter corruptus. Turpe est in eadem disciplina diu versatum esse et nihil scire.