Hanc sermonis formam aliquoties habemus obviam apud Pindarum et Aristophanem : οἴκοθεν οἴκαδε, cum significant aliquem propriis virtutibus quippiam egregiae laudis peperisse suae domui patriaeve. Velut in eodem encomio : Οἴκοθεν οἴκαδ᾿ ἀπὸ Στυμφαλίων τειχέων, id est A domo in domum a Stymphali moenibus. Gratiosior minusque invidiae obnoxia virtus est quae ab avis atavisque demanavit ad posteros.