Πυλωρὸς κακός, id est Janitor malus, id est, indiligens praefectus aut custos. Natum a dicto Thericyonis cujusdam, qui cum videret Philippi copias Isthmicas angustias occupasse, sic ait : Κακοὺς πυλωροὺς ὑμᾶς, ὦ Κορίνθιοι, ἡ Πελοπόννησος ἔχει, id est, Malos janitores vos, o Corinthii Peloponnesus habet. Siquidem angustias locorum, Graeci pylas, id est portas appellant. Refertur a Plutarcho in Apophthegmatis.