Γυναικὸς πυγή, id est Mulieris podex. In ignavum ac desidiosum dicebatur. Animal mulier et quo minus habet mentis, hoc inhonestis voluptatibus est addictius. Amat otium et fucorum in morem, quemadmodum ait Hesiodus, virorum laboribus quaesita sibi insumit, id quod indicat etiam illud proverbium Ὄκνος ὄνος. Et omnino tales permultas habet Gallia. Atqui Hollandia innumeras habet, quae sua industria viros otiosos et voluptarios alunt.