Νέους φίλους ποιῶν, λῷστε, τῶν παλαιῶν μὴ ἐπιλανθάνου, id est Novos parans amicos, optime, veterum ne obliviscere. Torqueri potest et ad mutata studia, ad quae convenit nonnunquam respicere, etiam posteaquam diversae te addixeris disciplinae. Veluti si moneas, qui se ad juris studium contulerit, ut obiter recurrat ad bonas literas. Usurpatur ab Hermolao Barbaro in epistola quadam ad Picum Mirandulanum.