Ὑπὲρ τὰ ἐσκαμμένα πηδᾶν, id est Saepta transilire. Congruit vel in eos, qui rem quampiam novam et incredibilem designant longeque supra vulgarium hominum facultatem. Vel in hos, qui a re proposita digrediuntur. Vel in illos, qui praescriptos sibi terminos et potestatis mandatae modum transeunt. Natum adagium a Phayllo quodam pentathlo Pontico, ut quibusdam placet, Crotoniata, qui tum saltu tum disco mirum in modum valuisse legitur. Haec ferme Suidas. Extat et inscriptio statuae illius hujusmodi :
id est Quimque supra quinquaginta pedes saliit Phayllus, discum autem jacit centum exceptis quimque. Meminit hujus adagii Plato in Cratylo : Καὶ ὑπὲρ τὰ ἐσκαμμένα ἁλέσθαι, id est Et ultra saepta salire. Refert et Julius Pollux libro De rerum vocabulis tertio. Lucianus in Somnio : Ὑπὲρ τὰ ἐσκαμμένα ἤδη πηδᾷ, id est Ultra saepta jam transilit. De somnio, cujus finis, cum sit somnus, jam etiam vigilanti duraret. Chrysostomus homilia in II Cor. III : Τὰ σκάμματα παρέβη, id est Saepta transcendit ; de Paulo loquitur, qui cum gratis doceret Evangelium, plus praestitit quam ab apostolis exigebatur. Cicero De oratore libro primo : Et quasi certarum artium forensibus cancellis circumscriptam scientiam. Idem in actionibus : Ab his cancellis, quibus me circumscripsi, declinavero. Locus enim is, in quo celebrabantur ludi forenses, fossis, cancellis, aut aliis id genus saeptis erat circumscriptus.Πέντ᾿ ἐπὶ πεντήκοντα πόδας πήδησε Φάϋλλος,
Δισκεύει δ᾿ ἑκατὸν πέντ᾿ ἀπολειπομένων,