Ἕκητι Συλοσῶντος εὐρυχωρία, id est
Senarius in proverbium versus, quem refert Strabo libro Geographiae XIV. Nam Syloson munificentia Darii mortuo Polycrate Samiorum adeptus tyrannidem, cum acerbius exerceret imperium, ita ut fere solent ii, qui ab humili fortuna repente ad res amplas provehuntur, et ob hanc causam insula desereretur ab incolis, proverbio dici coeptum :Per Sylosontem regio facta est amplior.
id estἝκητι Συλοσῶντος εὐρυχωρία,
Convenit in acerbe gerentem magistratum aut in principem malum, cujus vitio deseratur ab incolis regio. Venustius reddetur longiore deflexu, veluti si in hominem πλεονέκτην, qui domum aliquam compilarit, dicatur, aut in profusum ac prodigum, cujus luxu loculi facti sunt inanes.Spatiosa regio est Sylosontis gratia.