Adagiorum Chiliades

I. 10.Confringere tesseram.l

Apud Plautum in Cistellaria confregisse tesseram dicitur, qui sibi reditum in domum aliquam praeclusit. Siquidem cum amans dixisset se jurejurando astrictum, ut lenae filiam duceret, orans, ne se perjurum fieri pateretur, illa respondens

Abi, inquit, quaerere, ubi tuo jurando satis sit subsidii.

Hic apud nos jam, Alcesimarche, confregisti tesseram.

[Cistell.] Est autem tessera symbolum hospitale, quo prolato cognoscebantur hospites, si quando redissent.