Οὐδὲ πυρφόρος ἐλείφθη, id est Ne ignifer quidem superfuit, ubi significamus omneis ad unum interiisse, adeo ut ne ei quidem sit parcitum, qui ignem praeferat exercitui. Nam priscis mos erat, ut vates aciem praecederet lauro coronatus ac facem gestans. Ab hoc belli vim abstinebant utrimque, quod nefas ducerent in virum sacrum ferrum stringere. Proinde si crudelem aliquam stragem significare voluissent, ne ignifero quidem parcitum aiebant. Meminit hujus adagii Eustathius Iliados M enarrans hos Homeri versus :
id estΟὐκέτ᾿ ἔπειτ᾿ ὀίω οὐδ᾿ ἄγγελον ἀπονέεσθαι
Ἄψορρον προτὶ ἄστυ,
Admonet hoc quoque figuram habere proverbialem Οὐδὲ ἄγγελος ὑπέλειφθαι, id est Ne nuntius quidem relictus est, quoties significamus ad unum omneis extinctos, ut ne unus quidem effugerit, qui rem gestam renuntiaret. Nam is vel dedita opera relinqui solet ab hoste.Haud equidem fore credo, uti sit rediturus ad urbem
Hinc posthac aliquis vel nuntius.