Simili figura dixit Lucianus in Pseudologista : Ἀνδρὶ ἐλευθέρῳ καὶ οἴκοθέν σε ἀκριβῶς εἰδότι, id est Viro libero et qui te ex domestico convictu cognitum habeat. Id erit venustius, si ad res animi traducatur, ut si quis dicat artem rhetoricam οἴκοθεν alicui notam. Ejusdem generis est Plinianum illud in epistola ad Accium Clementem : Hunc ego in Syria, cum adulescentulus militarem, penitus et domi inspexi.