Ἀετὸς θρίπας ὁρῶν, id est Aquila thripas aspiciens. De magnis, qui pusilla negligunt. Est θρίψ avicula quaepiam minutissima, quam aquila, cum videat, ut est oculatissima, haud tamen dignatur persequi, utpote praedam unguibus suis parum dignam. Ad hunc quidem modum invenio in commentariis Graecorum, verum haud scio an mendose. Nam thripas reperio vermiculi genus esse.