Tertius Cato proverbialis est ironia. In viros impendio tetricos atque alienae vitae censores. Nam duorum Catonum — senioris, cui nomen Censorio et minoris, cui nomen Uticensi — gravitas pariter atque integritas vulgo celebratissima quondam fuit, adeo ut e coelo demissi dicerentur, ut bellum cum vitiis gererent. Juvenalis : Habeat jam Roma pudorem, / Tertius e coelo cecidit Cato.