Phryx plagis emendatur. In barbaros servilique ingenio homines dicitur, qui non pudore neque monitis, sed verberibus redduntur meliores. Cum contra generosus animus, ut ait Seneca, rectius ducatur quam trahatur. Cicero pro L. Flacco in testes Asiaticos : Asia vestra constat ex Phrygia, Mysia, Caria, Lydia. Utrum igitur nostrum an vestrum est hoc proverbium Phrygem plagis fieri solere meliorem ? Adagium ita refertur apud Suidam versu trochaico :
id estΦρὺξ ἀνὴρ πληγεὶς ἀμείνων καὶ διακονέστερος,
Ostendit Athenaeus e Phrygia mitti solere mancipia laudatissima :Verberatus Phryx melior et obsequens erit magis.
id estἈνδράποδ᾿ ἐκ Φρυγίας, ἀπὸ δ᾿ Ἀρκαδίας ἐπικούρους,
Mancipia ex Phrygia, sed ab Arcadia auxiliares.