Ὅσσα ἐν ὀνείρῳ βλέπεις, id est Quaecumque per somnium vides. De votis immodicis dicitur. Nam quicquid optaris, id somniare contingit quibuslibet sicuti Mycillus ille Lucianicus divitem se ac praepotentem somniat. Apud Theocritum piscator somniat aureum piscem. Et infimae sortis homines nonnunquam reginarum conjugium somniant ; pastor quidam apud Theocritum in ecloga nona :
id estἜχω δέ τοι ὅσσ᾿ ἐν ὀνείρῳ
Φαίνονται, πολλὰς μὲν ὄις, πολλὰς δὲ χιμαίρας,
Interpres admonet proferri hunc in modum : Ὅσσα ἐν / ὀνείρῳ φέρειν, id est Ferre quicquid in somnio videtur. Citat et versum Homericum :Possideo quaecumque solent sub nocte videri
In somnis, vim magnam ovium multasque capellas.
id estΟὐδ᾿ εἴ μοι τόσσα δοίη ὅσσα ψεύδονται ὄνειροι,
Est autem apud hunc poetam Iliados primo, sed paulo aliter :Nec mihi si tantum dederis quam multa sopitis
Somnia vana ferunt.
id estΟὐδ᾿ εἴ μοι τόσα δοίη ὅσα ψάμαθός τε κόνις τε,
Videtur huc allusisse M. Tullius in Salustium : Unde tu, qui modo ne paternam quidem domum redimere potueris, repente tanquam somnio beatus hortos preciosissimos, villam Tiburti et Caesaris, reliquas possessiones paraveris.Nec mihi si tantum dederis, quantum extat harenae ac
Pulveris.