Ἄτλας τὸν οὐρανόν, id est Atlas coelum, subaudiendum ὑπεδέξατο, id est suscepit. Dici solitum de his, qui sese magnis et molestis involvunt negotiis ipsique sibi malum accersunt. Nam hic coelum hospitio excepit. Deprehensus autem quod illi struxisset insidias, praeceps datus est in mare Atlanticum. Porro notior est quam ut hoc loco sit referenda de Atlante fabula coelum humeris et vertice sustinente.