Fontes ipsi sitiunt. Ironia proverbialis in eos, qui petunt ab aliis, quod ipsis affatim abundet domi. Cicero ad Quintum fratrem : Tibi, quod rogas, quoniam ipsi fontes jam sitiunt, si quid habebo spacii, scribam. Significat fratrem magis abundare versibus, quos tamen a se petat perinde quasi carminum indigens. Idem ad Atticum libro XII : Non ad διψῶσαν κρήνην, sed ad ἡρίνην eum venisse ut scribis in tantis praesertim angustiis.