Ejusdem est generis Τῆς σπογγιᾶς μαλακώτερος, id est Spongia mollior. Sic enim assentator quispiam loquitur apud comicum quempiam citante Plutarcho in commentario De discrimine adulatoris et amici :
id estἘμέ, Νικόμαχε, πρὸς τὸν στρατιώτην τάξατε,
Ἂν μὴ ποιήσω πέπονα μαστιγῶν ὅλον,
Ἂν μὴ ποιήσω σπογγιᾶς μαλακώτερον
Τὸ πρόσωπον,
Ad eundem modum dicebant pepone mollior. Theopompus apud Athenaeum libro secundo : Μαλακώτερα πέπονος καὶ σικύου μοι γέγονε, id est Molliora mihi pepone et cucumere facta sunt. Ad hanc formam pertinet, quod idem citat ex Epicharmo : Πραΰτερος ἔγωγε μαλάχης, id est Mitior equidem malva, quod ea herba vim habeat leniendi. Item cinaedo mollior. Plautus in Aulularia :Nicomache, me isti militi opponas velim,
Nisi pepona loris, quantus est, effecero,
Nisi spongia illi molliorem qualibet
Reddidero vultum.
Nam prisci saltatores et pantomimos cinaedos vocabant, quod cum gesticulatione canerent. Similiter Catullus :Ita fustibus sum mollior magis quam ullus cinaedus.
Cinaede Thalli mollior cuniculi capillis.