Ἡ ἅμαξα τὸν βοῦν ἐλαύνει, id est Currus bovem trahit. De re, quae praepostere geritur. Veluti si uxor praescribat marito, si discipulus reprehendat praeceptorem, si populus imperet principi, si ratio pareat affectui. Lucianus in Terpsione : Νῦν δὲ τὸ τῆς παροιμίας ἡ ἅμαξα τὸν βοῦν πολλάκις ἐκφέρει, id est Nunc id evenit, quod vulgo dici solet : plaustrum saepenumero bovem ipsum aufert. Translata metaphora a plaustris per declive retro labentibus unaque secum bovem auferentibus.