I. 6. Pennas nido majores extendere. xciii

Est apud Horatium in Epistolis non dubium quin proverbialis metaphora Pennas nido majores extendere pro eo, quod est rem fortunamque, quam mediocrem aut tenuem a majoribus acceperis, auctiorem reddere. Quod quidem, si virtute fiat, summa laus est, tantum abest, ut vitio dandum existimem.

Me, inquit, libertino natum patre et in tenui re,

Majores pennas nido extendisse loqueris,

Ut quantum generi demas, virtutibus addas.

Translatum ab avium pullis, qui sic grandescunt subnascentibus plumis, ut materno nido capi non possint.

Index Adagiorum