Adagiorum Chiliades

I. 6Propria vineta caedere.lxxxiv

Vineta propria caedere Huic affine est illud Horatianum : Ut vineta egomet caedam mea, [Epist., II, 1, 220] id est Ut a me ipso incipiam et poetas ipse poeta carpam ac lacerem. Translatum videri potest vel ab amputantibus vineam vel ab iis, qui per injuriam novellas vites laedunt. Horatius in Epistolis :

Multa quidem nobis facimus mala saepe poetae,

[Epist., II, , 219] Ut vineta egomet caedam mea.