Adagiorum Chiliades

I. 6Fertilior seges est alieno in arvo.lxxii

Ovidius mutavit metaphoram eundem explicans sensum :

Fertilior seges est alieno semper in arvo

Vicinumque pecus grandius uber habet.

[Ars Am., I, 349] Persius satyra sexta : Securus et angulus ille / Vicini, quia pinguior. [Sat., VI, 13] In eandem sententiam celebratur et mimus, unus, ut opinor, ex illis Publii ab Aulo Gellio laudatis :

Aliena nobis, nostra plus aliis placent.

[Mim., 28 M] Et Horatius :

Qui fit, Mecoenas, ut nemo, quam sibi sortem

Seu ratio dederit seu fors objecerit, illa

[Serm., I, 1, 1] Contentus vivat, laudat diversa sequentes ?