Διὸς ἐγκέφαλος, id est Jovis cerebrum, καὶ βασιλέως ἐγκέφαλος, id est regis cerebrum. De cibo vehementer opiparo ac suavi. Aut de molliter delicateque viventibus. Clearchus apud Zenodotum scribit opiparas epulas apud Persas Jovis ac regis cerebrum appellari. Athenaeus libro XII docet Sardanapalum iis, qui voluptatem aliquam essent commmenti, Jovis ac regis cerebrum apponere solitum, cibum opinor exquisitum. Idem libro XIV, Jovis cerebrum inter secundae mensae delicias annumerat. Apud Apuleium in prima Apologia citatur Ennius :
Ephippus apud Athenaeum, Διὸς ἐγκέφαλον, id est Jovis cerebrum inter secundae mensae lautitias commemorat. Idem cibum praelautum νέκταρος ἄνθος vocat, id est nectaris florem. Atque alibi vinum τῆς Ἀφροδίτης γάλα, id est Veneris lac, ab Aristophane nominatum docet. Rursum alio in loco suaves cibos τῆς Ἑλένης βρώματα, id est Helenae cibos, dictos indicat.Quid scarum praeterii, cerebrum Jovis poene supremi,
Nestoris ad patriam hic capitur magnusque bonusque.