Αὐτὰ δι᾿ αὐτῶν, id est eadem per eadem. Refertur in collectaneis Diogeniani de his, qui semper eadem inculcant aut eadem assidue faciunt. Non dissimile illi, quod alio reddidimus loco : Ὁ Διὸς Κόρινθος, id est Jovis Corinthus. Potest et in eos torqueri, qui res nugaces nugaciter tractant, veluti si quis in auctorem indoctum indoctos scribat commentarios aut in obscenum obscenos.