Ἀκονιτί, id est Citra pulverem, Graeci dicunt contingere, quo quis facile citraque negotium potitur. Translatum vel ab aphe, id est a pulveris contactu, quo se spargebat in palaestrico certamine congressurus, vel certe a pulvere, quo non indecore sordidari scripsit Horatius eos, qui certant Olympia quive bellum gerunt. Plinius libro trigesimo quinto : Alcimachus Dioxippum, qui pancratio Olympia citra pulveris tactum, quod vocant ἀκονιτί, vicit. Aulus Gellius libro quinto : Ovandi, inquit, causa est, cum deditione repente facta sine pulvere, ut dici solet, incruentaque victoria obvenit. Horatius in Epistolis :
Invenitur et ἀνιδρωτί, id est citra sudorem, et ἀναιμωτί, id est citra sanguinem.Quis circum pagos et circum compita pugnax
Magna coronari contemnat Olympia, cui spes,
Cui sit conditio dulcis sine pulvere palmae ?