Latinis et illud est celebratissimum : Invita Minerva, pro eo quod est : refragante ingenio, repugnante natura, non favente coelo. Cicero in Officiis : Invita, ut aiunt, Minerva. Idem libro Epistolarum familiarium duodecimo : Quinquatribus frequenti senatu causam tuam egi non invita Minerva. Rursum ejusdem operis libro tertio : Idque quoniam tu ita vis, puta me non invita Minerva facturum. Horatius :
Huc allusit Seneca, cum dixit : Male respondere coacta ingenia.Tu nihil invita dices, faciesve Minerva.