Simili forma dixit eodem in loco surculum defringere pro eo quod est : non callere totam disciplinam, sed ex ea paululum quod ad rem praesentem faciat decerpere, quemadmodum jureconsulti nonnunquam aliquam sententiam aut fragmentum adducunt e theologorum disciplina. Locus apud Ciceronem hunc in modum habet : Atque hactenus loquuntur, etiam hac instituendi divisione utuntur, sed ita, non ut jure aut judicio, ut denique recuperare amissam possessionem, sed ut ex jure civili surculum defringendo usurpare videantur.