V. 1. Doceat qui didicit. lxxxiv

Idem in eodem encomio : Τὸ διδάξασται δέ τοι εἰδότι ῥᾴτερον. id est

Docere porro facilius ei qui didicit.

Juxta illud, disce, sed a doctis. Nemo facilius artem tradit alteri quam qui eam exacte callet. Novit enim multa in compendium contrahere, novit obscuris dare lucem. Proinde, quod quidam tot ambagibus circumagunt ac detinent adulescentes in disciplinis, in causa est aut quaestus aut livor aut imperitia.

Index Adagiorum